(خواطر _فراشة)

بنت الشيبه مكسوره
تملى حزينه فى الصوره
يتيمه تملى ف الأيام
وعايشه حياتها مقهوره
بنت الشيبه..ملضومه مع الوحده
بتحسب كل ساعه فراق
..وبترتبها بالواحده
بنت الشيبه متاخده من اللمه
تشوف تفاصيلها تستعجب فتتمنى
تركز تانى فى الصوره
تشوف فرحتها مغموره
تلاقى الضحكه بتنور
و روحها صافيه مجبوره
بنت الشيبه تتشاقى
تدوب اكتر ما تتلاقى
تحس فوسط دمعتها
حياه راضيه ومشتاقه
بنت الشيبه بتسلم
تنام أكتر ما تتكلم
عنيده وروحها بتصمم
تكون ملامحها خلابه…
قصيدة لـ” مروة كامل”