قصيدة للشاعرة غادة إبراهيم
واحلي سلام…. للحنيه
والضحكه من القلب الصافيه
لوقوفك جنب اللي تحبه
ومشاعر مفيهاش مداريه
لوجودك جنبه لو احتاجك
وانك تفتحله كمان بابك
يحكي ويفضفض بهمومه
وتهون مره … يصونهالك
للكلمه الحلوه ومن قلبك
وتعبر عن مقدار حبك
المزيد من المشاركات
والفرحه تشوفها في عيونه
ماهو كمان بقي بيحبك
وسلام جامد للي يقدر
وبيعرف يبني ومايكسر
ويزيد الحب اوي مابينهم
ماهو لما تقدر .. تتقدر
وسلامي عمره مايوم يوصل
علشان ماهيلقي ف يوم احساس
ولا حد يقدر ولا يسأل
دي حاجات ماتت من بين الناس
التعليقات مغلقة.