مشفتيش يا أمى صاحبى اللى كان جنبى
مش لاقى منه إلا البياده
ده أنا كنت لسه بسأله عن قهوته ساده ولازياده
ليه يا أمى يسبنى وحدى
ولا الفراق فى الحالات دى أصبح للدنيا عاده
وأنت يا أبنى مشفتهومش لماطاروا
هما مين يا أمى اللى طاروا
ولادى يا أبنى كانوا فى حضنى
وفى لحظه ملقتهمش ولقيت مكانهم غبره وعفاره
والله يابنى دول يتامى كانوا بيصبروا قلبى على المراره
بعدوا ليه كانوا خدونى والله يابنى فقدهم أكبر خساره
وانت مالك يا أبويا أنت ساكت ليه
والله يابنى مش فاكر حاجه
حتى أسمى كان هو أيه…
أنا هنا ليه طب كنت فين
حواليا دم وجثث كتيره فكرنى يابنى بالله عليك
هو أنا حصلى أيه…
أبدأ يا أبويا يا أمى يا أخويا
كتب القدر لبعضنا هنا النهايه
أما أحنا لسه هنمشي ونستنى دورنا …
ياترى مين بعدك ياصاحبى هيكمل معايا الحكايا
