يا منسي انت البطل
ضحيت عشنا كتير
شايل سلاحك بقوه
لخسيس جبان وخطير
في قلوبنا مهما حصل
رمز الشجاعه كبير
عمره في يوم ما انكسر
فارس لكل عسير
صوتك ندانا ووصل
لابد من التفكير
لو يوم وطننا أمر
هيلاقي منا كتير
الحق بينا انتصر
والرب في التدبير
شمس وهواها وقمر
وهلاك لكل حقير
والدمع ليها انفجر
وحماكي رب قدير
محفوره جوا القلوب
والكل ليها أسير
وعدوها مغلوب
والصعب فيها يسير
غاليه ومش هتهون
عاجز عن التعبير
المزيد من المشاركات
يا اللي تبيع الوطن
هتعيش خسيس وفقير
حاسب تتوه في الفتن
تصبح في شر مصير يا منسي انت البطل
ووقفت وقفة أسود
زى الجبال شوفناك
ثابت ومش مهدود
كل القلوب وياك
جسر الأمل ممدود
ولا عمر يوم ننساك
والكل ليك مشدود
يا وطن دمانا فداك
للي يخون مفقود
غالي ويا محلاك
يا أحلى ما في الوجود
وسيف قوي وهلاك
على العدو مردود
هيدوق مرار ومعاك
فوق النجوم هنعود
واللي هنا وهناك
هيكونوا لينا شهود
ودوايا هو دواك
بإيدينا نبني سدود
هتكون طريق أشواك
جمره لكل حقود
التعليقات مغلقة.