src="https://pagead2.googlesyndication.com/pagead/js/adsbygoogle.js?client=ca-pub-9531795408881375" crossorigin="anonymous">
Take a fresh look at your lifestyle.

سحر جميل… كلمات / محمد منصور

87
للحب سحر جميل ‘ ليه القلوب بتميل
يجمع سوا قلبين ‘ من ناس كتير وقليل
تحلى حياتنا معاه ‘ مالناش في غيره بديل
الحب سر الكون ‘ فيه كل صنف ولون
يجمع نقيض ونقيض‘بيجنن العاقل ويعقل المجنون
الحب جنة ونار ‘ فيه القلوب تحتار
وفيه هنا ومرار ‘ جوا القلوب مكنون
مالناش ف غيره خيار ‘ هو غاية وسبيل
فيه روح تناجي روح ‘ وقلب يعشق قلب
ونلاقي كل الناس ‘ ماشيين ف نفس الدرب
نعيش بكل سلام ‘ وما عادش هيكون حرب
بفرح بيه كل الناس ‘ وتقر كل عيون
ويحيا بيه البشر ‘ طول النهار والليل
الحب ما فيه جدال ‘ بيخطي كل جبال
ومهما قابله صعاب ‘ ما فيه أمامه محال
ولابد يوم تصبح ‘ حقيقة من الخيال
يلا نخلِّي الحب ‘ يسود في كل مجال
ونحب كل الناس ‘ بحق كن فيكون
نرفع إيدينا بدعاء ‘ ويحققه الجليل
دا الحب سر الكون ‘ ودليله ألف دليل

التعليقات مغلقة.