لكل أهل مصر

اللي شال همي …كلمات _  محمد عبد العزيز رمضان

0 529

 

مين اللي شال همي

غيرك أنت يا أمي

مين اللي باع عمره

علشاني غير أمي

يا دنيتي وعمري

يا غاليه يا أمي

نور الحياه أنت

أنا نفسي أرضيك

والله لو قلت

عمري راح أديك

جوايا محفورة

مش ممكن أنساك

يا حقيقه مش صورة

يا حبيبتي بهواك

خايف أنا خايف

لو يوم فارقتيني

شايف ومش شايف

يا حبيبتي ضميني

هفضل أنا فاكر

سهرك وأنا نايم

وبقول ومش ناكر

نبع الحنان دايم

واللي يبيع حبك

تلقاه أكيد خسران

مهما بعد عنك

إزاى يعيش بأمان

وليا مين هيصون

لو الزمان بعني

قلبك رقيق وحنون

دايماً بيسمعني

يا أغلى ما في الكون

ودعاك ينفعني

أمي في قلبي كتاب

مكتوب بأنفاسي

للجنه هيا الباب

لو كنت يوم ناسي

بتجمع الأحباب

نبضي واحساسي

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

سياسة الخصوصية وملفات تعريف الارتباط