يا رحلة صعبة وبعيدة
تاهت في بحر الليالي
والوقعة كانت شديدة
مش لاقي غير سد عالي
أحلامنا كانت كبيرة
والصعب فوق احتمالي
يا حكاية حلوه وجميلة
يا خسارة مش مكتوبالي
يا هموم عليا طويلة
رافضة تجاوب سؤالي
وسبتني وحدي في حيرة
كان نفسي ألقاك يا غالي
يا رحلة مالهاش نهاية
طفت بإيدها شموعي
وحاولت ألقى بداية
تمسح قسايه ودموعي
ويا ريتها كانت معايه
تفرح بلحظة رجوعي
تفرح بقربي ولقايا
كانت نهايتي ووقوعي
يا رحلة من عمري فاتت
ورمتني في بحور غريقة
والضحكة ضاعت وماتت
والكدبة صبحت حقيقة
رغم الهموم بردو ساكت
خطفتني بعيون جريئه
وعدتني وفي لحظه خانت
قتلت وعودنا في دقيقة
المزيد من المشاركات
