قصيدة (طرف تالت )
للشاعرة داليا الجسينى
المزيد من المشاركات
صحيح في حياتي
بس من برا
طرف تالت
ومين أنا قلي في الموضوع
وإيه بس اللي ما بينا
يعيش بينا
مفيش غير صوت شقا الموجوع
في ناس تتقوا بوضوحنا
عشان تسرق ضيا روحنا
وناس إن جينا او رحنا
تزيد وتعيش علينا الدور
سايبلك نفسي بالساهل
قوام اغلط وقول ساهل
عشان لو قلت تستاهل
مبعش هواك وكلي دموع
في ناس تتقوا بوضوحنا
عشان تسرق ضيا روحنا
وناس إن جينا او رحنا
تزيد وتعيش علينا الدور
أنا ضعفي معاك قوه
لكن إنت باصصلي من برا
مشيت ع الموت بلا حول
قدرت أفدي غرام مهدور
في ناس تتقوا بوضوحنا
عشان تسرق ضيا روحنا
وناس إن جينا او رحنا
تزيد وتعيش علينا الدور
طرف تالت وإيه يعني
لكن أضمنلك اسمعني
هسامحك لو تصارحني
وتقلي خلاصة الموضوع
في ناس تتقوا بوضوحنا
عشان تسرق ضيا روحنا
وناس إن جينا او رحنا
تزيد وتعيش علينا الدور
التعليقات مغلقة.