يامعلمه قلبى الهوا
ومعلمانى أكون بسيط
بعد ماكنت بوحدتى
بهواكى إنتى بقالى سيط
وجعلتى حبك بالحشى
والدم دمك بالوريد
صحيتى جوايا الأمل
وكأنك البحر المحيط
زلزال وهد قوتى
وشغلتى قلبي المريض
وسقيتى روحى بحور هواكى
كان الشفا عنوان دواكى
وغزلتى من هم الشقى
أجمل هوى جوه الوريد
جايه النهارده بتبعدى
وبتطفى أجمل بسمتى
وبتنطقى كلمه وداع
قولى ياقلبي إتكلمى
مين اللى باع
المزيد من المشاركات
قالوا الوداع عمر إنتهى
وانا قلبي لسه بغصته
فات الزمن من كام سنه
ووداعك إنتى بأسوته
بالقلب نار مابتنطفى
مكسور ولسه بعزته
يجى المسا بتسيل دموعى
ع الخد يكوى بحرقته
حاضن ألم جوه ضلوعى
وحارقنى جدا أسوته
وانده يادمعه ماتنزلى
وانا لسه برضه بمعزلى
واتذكرك قولتى الوداع
أبكى وأصرخ وانتحب
وتاخدنى روحى
مين ياترى غيرك هنا
يشفى جروحى
جايه النهارده بتبعدى
وبتطفى أجمل بسمتى
وبتنطقى كلمه وداع
قولى ياقلبي إنطقى
مين اللى باع
أنا مش هلومك ع الوداع
أو لية بعدتى من هنا
بس بلومك ع الجنون
اللى معاه ضاع حبنا
وقت ماكنا بدم واحد
بحترتى إنتى دمنا
واتغيرت فينا الطباع
تاهت معالم دربنا
كل الدروب إتبدلت
واتلونت من جهلنا
والجهل أكبر مشكله
توهنا معاه وبعلمنا
مع إنك إنتى نور الحياه
وحبستى نورك عننا
وانتى الطريق ومنتهاة
كاد العدى يوم حبنا
جايه النهارده بتبعدى
وبتطفى أجمل بسمتى
وبتنطقى كلمه وداع
قولى ياقلبي إتكلمى
مين اللى باع
التعليقات مغلقة.