قصيدة لمروة كامل
الحضن يمكن حرموه
علشان بيُسكر كل اركان الضلوع
ساعات تتوه جوا دفاه
وساعات كتير تبعد تجوع
تهدي خطاوي رحلتك
وانت بتستكشف هواه
وتدوب اوي كل اما تلقي
محبته وتدخل سماه
تصبح براح
ناسي ف حياتك اللي راح
طعم اللقا خلاك بتبعد قومت جاي
تلقي ملامح ضحكتك دابت اوي
واتحولت من قلب مات لقلب حي
تحضن اوي بكل اللي فيك
تنسي اللي فات ومتفتكرش غير ايديك
بتلف حوالين المقام جوا الضلوع
وتزيد محبه واقتراب
تعيش ساعات من غير
سراب
فاقد ملامح الاغتراب
ناسي انت مين
يمكن تكون صادق امين
ولاقي حبيبه ف سكته
يمكن تكون خاين عميل
ودا اخر حضن ف رحلته
ويمكن تكون اخر لقا
للحضن دا بعد الفراق
فعلا ساعات الاشتياق
ملهاش بديل
قلبك عليل
وعشان كدا قرر يحلل
كل احضان البشر
وكأنه ذنب وإغتفر
لمارد لعين
يامحسنين
يامحرمين الحضن ف أيام الانين
أحضنوا الناس اللي دايبه
العشمانين
ف فرصه تانيه للحياه
خلوا ضلوعكم تحضن الناس بحنيه ودفا
وسيبوني ادوب جوا ضلوعه المُسعفه
لباقيا روحي البردانين
التعليقات مغلقة.