في حوار فني تقدمه لكم ايمان عزت
تمتليء دروب المحروسة بمواهب شابة واعدة، وإيمانا منا بدور الصحافة والإعلام في دعم المواهب الشابة وتحفيزها وإلقاء الضوء عليها وجعلها ترس فعال ونشط في مسيرة التنمية المستدامة التي تستهدفها القيادة السياسية تحت رعاية الرئيس السيسي، كان لنا هذا الحوار مع الفنان الشاب محمد الجمسى
عرفنا بنفسك؟ وموهبتك؟
محمد مصطفى الجمسى رسام جرافيتى
امتى قدرت تعرف انك موهوب؟
وانا صغير كنت بحب ارسم بس مكنتش اعرف انى هدخل ف مجال الجرافيتى ف حبيت ارسم حد بحبه ف رسمتو وطلعت مظبوطه ومن بعديها كملت واحده واحده كدا
مين ساعدك في اكتشاف موهبتك؟
بابا وماما هما اكتر اتنين وقفو جنبى وصحابي
ازاي نميتها؟
نميت موهبتى ب الفيديوهات وب الاستمرار
قدرت توصل للاحتراف؟
وصلت اوصل للاحتراف لحد ما جالى كذا عرض انى اشتغل برا مصر بس محبتش
ازاي تخليها مهنة تتكسب منها؟
تستخدمها ف مجال الديكورات والإعلانات والهدايا
ايه العوائق اللي بتقابلك؟
تقريبا الرسم مفهوش عوائق العائق ان اللبس بيتبهدل والجسم بس ببقا حابب دا جدا
ايه التحديات اللي قدرت تتخطاها؟
التحدى انى اصغر رسام جرافيتى ف مصر واتحديت نفسى لحد مابقيت احسن واحد برسم جرافيتى ف مصر كلها ورسوماتى ف چروبات الرسم بتجيب ب الاتنين مليون لايك
طموحاتك ايه؟
طموحى انى ابقى من اشهر الرسامين ف العالم
تنصح الشباب اللي زيك بايه؟
انصح اى حد بيحب حاجه وشايف نفسه فيها يسعي فيها ويتوكل على ربنا
كلمة لكل أسرة بها فرد لديه موهبة؟
انهم يآمنوا بتفكيره ويقفوا جنبه لو فى حاجه هتفيده وتفيد المجتمع
التعليقات مغلقة.