src="https://pagead2.googlesyndication.com/pagead/js/adsbygoogle.js?client=ca-pub-9531795408881375" crossorigin="anonymous">
Take a fresh look at your lifestyle.

رئيس القابضة للصوامع بعد الاطاحة بة يقول بالتحقيقات …… هو فى قمح مش بيتصاب سوس؟!!!

80
كتبت ــ هالة عمار .
محمود عبد العزيز رئيس القابضة للصوامع يخصع للتحقيقات بعد اقالتة من المصلحيى ويقول
الوزير خد بكلام النواب بتوع تقصى حقائق القمح، هو ما كتبش إقالة، هو اتقال تكليف على عزام، وده قرار غريب شوية، ونواب اللجنة ما لهمش حق.
-وما ردك على اتهامات “لجنة تقصى حقائق القمح” لك؟
مفيش أى حد ليه حق عندى، شخصيًّا مفيش حاجة تمسنى أنا، ومفيش حاجة أتحاسب عليها، وأنا مختلف معاهم لأنهم حسبوا السعة التخزينية للصوامع كاملة.
-إزاى يعنى؟
حديث مغلوط، صومعة سعتها 1000 طن مثلا، 50% منه قمح مستورد موزعة على 3 خلايا من أصل 6، ومن ثمّ يمكن وضع قمح فى باقى الخلايا، وليس فى نفس الخلية التى تحتوى على قمح مستورد.
وما ردك على ما قيل عن وجود توريدات وهمية فى صوامع القمح؟
أنا كنت مكلف لجنة كاملة لمتابعة لجان الاستلام والتسلم والرقابة وأوضاع القمح فى الصوامع والشون، وأنا ما قصرتش فى شغلى.
هل تتوقع استدعاء النيابة لك؟
هيحاسبونى على إيه؟ ده أنا لسّه جاى قبل موسم القمح! أنا ما عملتش حاجة غلط ومفيش حاجة تمسنى. –
ولكن من يتحمل المسؤولية إذن؟
مفيش اتهامات موجهة ليّا غير إننا ليه ما اكتفيناش بالسعات التخزينية وأجرنا؟ والكلام ده ما حصلش، إحنا ما أجرناش غير لما كان ما عندناش سعات تخزينية تكفى، ومش أنا المسؤول برضه، أنا مشكل لجنة برئاسة عضو مجلس إدارة وتحته 20 عضو، لمتابعة العملية من أولها لآخرها، وبعدين ده إحنا كنا لسّه جايين، هو إحنا لحقنا نعمل حاجة؟!
-هذا معناه أنك ترى أن المخالفات المذكورة والمسؤولية عنها لا تعود عليك؟
لا تعود على اللجنة بكاملها، وتعود على من ورائها من المكلفين بالعمل عليها. -وما ردك على الحديث عن وجود صوامع بها “سوس”؟ هو فيه قمح مش بيتصاب بالسوس؟! كله بيتصاب بيه، وفيه حاجة اسمها تبخير وغربلة وتهوية، وتتاخد عينة من القمح للاختبار عشان التأكد من إنه صالح ولّا لأ، ومش بيتطحن غير لما بيكون صالح، وبيحصل كشف دورى على القمح، ودى حاجة من آلاف السنين. -وما ردك على الحديث عن محاباة شركات القطاع الخاص على حساب العام فى توريد القمح؟ فيه تعليمات جت لنا بوقف الصرف لأماكن معينة، بعد التخوف من اللغط اللى حصل، وبعدين وجود عجز فى أى شونة إذا ثبت بيدفع تمنه بالسعر اللى تحدده هيئة السلع التموينية.
-ما رأيك فى إقالة الدكتور خالد حنفى وزير التموين السابق؟
الصراحة وزير التموين اتظلم، وبعدين هى السنين اللى فاتت ما حصلش فيها أخطاء يعنى؟! وكمان فيه 11 موقع من اللى لجنة تقصى حقائق القمح زارتهم وقالت إنه فيهم عجز، ثبت لدى الإدارة من خلال التسوية الصفرية إنه مفيش عجز.14397247_1933737300187183_550133496_n

التعليقات مغلقة.