“بوفيه الأصدقاء المتحرك” مشروع جديد لشباب تحدوا البطالة بمدينة المنزلة بالدقهلية

قام”4″ شباب خريجي جامعة من مدينة المنزله بمحافظة الدقهلية ” شباب  قرروا ان يعملوا مشروع وبالفعل نفذو مشروعهم ؛

في البداية يقول الشاب ” أحمد محمد شلبى ” صاحب فكرة المشروع
انا مخلص جامعه معايا بكالريوس نظم ومعلومات

إحنا “4” شباب خرجين جامعه تعبنا اوي فى حياتنا بعد الجامعه فكرنا نعمل مشروع. نبدأ به حياتنا جاتلنا فكرة اننا نعمل” بوفية متحرك”لجميع المناسبات بنكون فى الافراح وجميع المناسابات ” اشتغلنا فى كافيهات ومطاعم عشان نوفر فلوس ننفذ مشروعنا ده طبعا اتبهدلنا فى الماديات عشان نوصل المشروع بالشكل والنظافة دى ،بدأنا مشروعنا ببوفيه واحد واسم المشروع ” 4 “Friends
احنا شغالين فى المشروع بايدنا ومعانا أصحابنا كمان  منهم بيدرس وفى منهم مخلص دراسه ،الشغل عمره ما كان عيب طالما بنشتغل حلال ،احنا هنكون موجودين فى اى مناسبه بالحجز المسبق ، طلبنا الناس تعرفنا ومحتاجين تشجعونا وتتدعمونا،واضاف قائلآ كل ما نقدمة من واجبات واطباق تصنع بنظافة
وبشكل جميل فهى تنصع فى البيوت يقوم بعملها سيدات فى بيتوتهن يقومون بعملها للمساعدة على المعيشة ،بتشتغل معانا وبنطلب منهم الاوردر وبندفع تمنه ليهم المشروع بيشغل الشباب وبيفتح بيوت وكمان بنشغل معانا ناس كتير اى شباب محتاج شغل بنشغلة معانا ،وربنا كرمنا الان احنا اربع شركاء ودخل معانا شريك خامس وهو ربنا لان اخدنا عهد على نفسنا اننا نطلع جزء من المكسب لوجة الله تعالى ” وحاليا بقا معانا بوفيه تانى وبقا لنا اتنين
وبوفية الأصدقاء على استعدادكامل بتقديم افضل الخدمات فى كل المناسبات .

لابد للمجتمع ان يساعدهم لاتمام النجاح لفكرتهم ومشروعهم المصرح به ،وان نقدم لهم كل التشجيع لأنهم فخر لشباب مصر المكافح.