بقلم /طارق بكار
أقدم وجهة نظري المتواضعة والشخصية ?لما يكون في موضوع أو مشكلة و في اختلاف بينا سواء سياسي أو إجتماعي أو ديني أو حتي عائلي ” ليه ما نقعدش مع بعض ” وكل واحد فينا يقول رأيه بكل صراحة وموضوعية وشفافية ؟؟ يعني حضرتك تقول وتعرض رأيك الشخصي في الموضوع المطروح من غير ما تفرضه عليا ولا تقولي أصل وفصل وفلان قال وعلان قال وكان ياما كان ” وانا اسمعك بتجرد واسيبك بكل صفاء نيه تقول كل فكرك وما عندك من غير مناقشة ولا جدال ” وحضرتك برضو تديني نفس الفرصة وتسمعني للآخر بنفس المبدأ ” وفي الآخر هيبقي اختيار من اتنين : أما أنا أقتنع بوجهة نظرك واحترمها ؛ وأكيد هكون أول المؤيدين لرأيك وانضم لرؤيتك واطرحها علي غيري في أي مجال أو محفل أو لقاء مجتمعي صغير سواءً أو كبير ” وأما حضرتك تقتنع بكلامي ووجهة نظري وتحترمها إن صحت وتعمل نفس تصرفي — كل دا بدون نغمة الإنتصار والغرور وسياسية نفش (الريش) لأي طرف فينا ✊ أما بقى حضرتك لو اختلفت الآراء ووجهة نظرنا في الموضوع أو المشكله أو الازمه المطروحة : مفيش داعي بقي يتحول خلافنا أو اختلافنا لمشكلة شخصية وكره وحقد وغل وحكاية ممكن تكبر وتكبر وتصبح عائلية أو مجتمعية ” ?وفي النهاية/ مينفعش حضرتك أو حضرتها ؛ تطبيق سياسة تبقى بتقول وبتسمع وبتناقش وتلاقي نفسك في الآخر من جواك عارف إنك غلط ووجهة نظرك غلط وتكابر برضو مع نفسك ” وتبصلي والإبتسامة الصفرا مطبوعة علي شفايفك وتقولي آخر الحوار( عموما يا صديقي الخلاف لا يفسد للود قضية ) والحقيقة إنك مش طايقني ونفسك تلبسني ألف قضية وقضية ??✋ وخالص تحياتي وحبي وتقديري لكل اللي يصفي النية
التعليقات مغلقة.