وعلمونى من طفولتى
انى اعشق الوطن
وانى اخاف عليه بدمى
وقت يملاه العطن
وان اى شىء ببلدى هو حلو
كان يهودى او مسيحى
كله اولاد الوطن
المزيد من المشاركات
وانا مسلم وبشهادتى
اهلى اهل المسلمين
لى صاحب م اليهود
والنصارى والمسلمين
كنا واحد
مافى دين بيوم منعنا
نبقى صحبه
مهما كنا صغيرين
كان جمعنا
حب مصر وارض مصر
واللى يجى ويباعدنا
يومه اصلا يبقى طين
عشت عمرى بالمدارس
كل يوم الصبح امارس
تحيا مصر
كنت لما اشوف قساوس
كنت ابوس الايد يا ابونا
واكبر تحيا مصر
حتى لما كنا نلعب اونمارس
اى لعبه بالمدارس
كنانصرخ تحيا مصر
لماروحت الجيش مجند
كان فيه بطرس ومحمد
يحموا مصر
ع الحدود مفيش ديانه
ع الحدود كله معانا
والديانه تحيا مصر
اما دينك ده لربك
هو صلتك
اماعندى ع الحدود
لما يجى ادان وعصر
ابقى ساجد وبصلى
اما مينا اللى حامينى
وتحيا مصر
من طفولتى
عمري ماشوفت رئيس
غير بصوره اوبشاشه
زى زى المتاعيس
واما بتجينى الهشاشه
ببقى زى العواجيز
مابشوفش من جنابه
غير ضرايب
حتى عمرى بالبلدى
كنت غايب
زى زى الخلق كله بكوابيس
كام رئيس مر علينا بعمرنا
كام رئيس غيرحياتنا ودمنا
كام رئيس كل حياته يزلنا
وانا عاشق انى اكتب
بالقلم بالكراريس
عشتى يامصر ابيه
ياملاكى ياعزيزه يابهيه
عشت ياجناب الرئيس
بس عمرى ماكنت خاين
رغم تعبى وشقايه بالمداين
لسه بنطق تحيا مصر
هفضل انطق تحيا مصر
حتى اموت من اجل بلدى
وتحيا مصر
لا حرقت بيوم شوارع
او قتلت بالغلابه
ما ساعدت اهد بلدى
وابقى بصف الديابه
ولاقولت بيوم ياعسكر
لجيوشنا المهـابه
واهاجمهم واكبر
اما دين الله اكبر ياذبابه
هم جند الله بارضه
هم وطنى وهم عرضه
اما انت ياخسيس
انتظر
من عذاب الله وفرضـه
اما جيشنا هو تاجنا
واحنا جيش للوطن ده
مهما تقتل مش هممنا
احنا شهدا م النهارده
وكل وقت بقول بصوتى تحيامصر
وكل دمى وولادى لبلادى وتحيامصر
تحيامصر تحيا مصر وتحيا مصر
التعليقات مغلقة.