#أكيد_بحلم!!! دا لسة يادوب بقول للوحدة ما كفاية!!! لقيته معدي جوايا!. يقولي صحصحي الدقة.. أشوف فرحتها بلقايا. كفاية العمر راح منّي بعافر فيه قصاد غرقي.. وانتِ لقلبي قشّاية يا هنايا... بقلبه لمّا يتحامي كدة ف قلبي من الأنّات. ولمّا يحارب الخطوة .. لو ناوية تزود المسافات. آهات ... جوايا لو تخرج!!! تقول كل اللي فات اهو مات. انا بحبه ❤️... وبقوله تملّي بدموعي ينسيني سنين فاتوا. ف يخلق فرحة بآهاته!! تنادي ع الحياة تاني. وتؤمر حزني ينساني فتهواني... سنين الضحكة اللي بتصحِّي فصبا قلبي. والاقي الفرحة بتزوَّق خطوط دربي دا كان طلبي!! يادوب المَح خياله يفوت. واحس بلهفة حسيتها في كتمتها خلاص بتموت. في وسط سكوت.. ضحكلي ضحكته اياها 😉. خطف قلبي.. فضحكت روحي وياها 🙈. ورجع النبض يتنطط بنبرة حب من صوته ف.ساعات بتضم همساتنا.. وبدعي يارب ما يفوتوا🤲🏻🥹
التعليقات مغلقة.