عرفنا بيك؟
محمد عبد الله مصور فوتوغرافي
التصوير… اختارته ك مجال إزاي؟
أخدت مهنة التصوير وراثة عن والدي اللي كان خبرة في المجال تصل ل 35 سنة
مين شجعك؟
والدي وأخويا الكبير
يعني موهبة بالوراثة؟
طب دا رغبته ولا رغبتك إنك تخليها مهنتك؟
في الأول كانت رغبة والدي لكن دلوقتي في تطورات جديدة عن زمن القديم وبقت رغبتي
علاقة دراستك بيه إيه؟
بدأت من وأنا في إبتدائي أروح مع والدي الأستوديو بتاعنا وكنت بنزل معاه كمساعد صغير للمناسبات او الإعلانات وبعدها بدأت أتعلم الأساسيات في مجال التصوير من أخويا الأكبر مني وبدأت أطور من اللي اتعلمته بكورسات
إيه الصعوبات اللي ب تواجهك؟
أنا قابلتني صعوبات كتير بس اغلب المواقف بيكون فيها ظروف مناخيه اني اكون مرتبط بمعاد مناسبه او اعلان والدنيا تمطر بيكون معايا معتمد عليا لكن بتتحل
مين كان ضد المجال و بيحبطك؟
طبيعي بيكون في حياة كل شخص عملي وبيسعي للنجاح حاقدين بيحبطو اي حد لكن باخد الكلام ده وأحوله لطاقة إيجابية وده مكنش مانع في إن أنا اسعي للوصول لاعلي درجة في النجاح ولحلمي
إيه أهم الأعمال ليك؟
في كتير من أعمالي مهمة لكن أبرزها مش بيكون لأهمية الأماكن لكن متعلقة ب طبيعة الأشخاص زي تصوير الإفطار الجماعي في رمضان وصلاة العيد اللى كلها بهجة وسعادة وعلي سبيل الاماكن قمت بتصوير قرية سياحية في سيوه لرجل الأعمال بشري الجرجاوي
تقول ايه لكل شاب عنده حلم او موهبة؟
أبعد عن منطقة الراحه وخوض المخاطرة دايما في إنك تنجح فى ناس نجحت ووصلت للي عايزاه عشان عملت حاجات بسيطة إنت كسلت تعملها وده كلام أنا بقوله لنفسي قبل غيري عشان بيجي عليك فترة و إنت في نص الطريق إنك تكتفي باللي وصلتله وتتساهل وتختار إنك تبقي في منطقة الراحة وافتكر دايما ( أن ليس للإنسان إلا ماسعي )
التعليقات مغلقة.