للشاعرة وفاءشعبان
انا عصفور جناح مكسور
بيحلم انه يلمس ضي
بيتحامى فى سحاب من نور
بأعلى الصوت يقول انا حي
انا صورة بخيال شفاف
بتعكس جوا منى آيات
ولو تفاصيلها ما بتنشاف
هيوصف صوتها عود و نايات
انا قادر اكون انسان
برغم الضعف بتقوى
وبرسم عالوشوش ضحكة
بتمسح دمعى من جوا
انا بحارب عشان اقدر
المزيد من المشاركات
اواجه خوفى واتحداه
بتدونى الامل دايما
عشان اوهب لنفسى حياه
انا بتحامى فى قلوبكم
تطمنى ما تخذلنيش
محتاج للقوة فى عيونكم
تكون دافع يسيبنى اعيش
انا لامس خيوط الشمس
انا هوصل لبر أمان
ولو سالت دموع بالامس
فيه بكرة لروحى لسه مكان
انا صابر ومش هضعف
وقادر لسه ع الايام
ومهما الكون هيكسرنى
هعيش وهحقق الاحلام
التعليقات مغلقة.